dimarts, 28 de desembre de 2010

Miguel Serveto y Conesa


Miguel Serveto y Conesa, (tamién conoixito como Miguel Servet, Miguel de Villanueva, Michel de Villeneuve u, en latín, Michael Servetus, estió un teologo y scientifico aragonés, naixito o 29 de setiembre de 1511 de Villanueva de Sixena, (de Tudela seguntes bellas tradicions), encara que a calendata exacta de naiximiento ye incierta, y muerto o 27 d'octubre de 1553).

Os suyos intreses abastoron muitas sciencias: l'astronomía y a meteorolochía, a cheografía, a churisprudencia, a teolochía y o estudio d'a Biblia, as matematicas, l'anatomía y a medecina.

Publicó bells libros polemicos como De Trinitatis erroribus (D'os Errors arredol d'a Trinidat) en 1531 o qualo negaba o dogma d'a Santisma Trinidat, establito en o Primer Concilio de Nicea y que dice que Pai, Fillo y Esprito Santo son un mesmo Ser. Isto li fació tener frontinazos tanto con cristians catolicos romanos como con cristians protestants.

S'exelló bells años en Francia, a on que vivió con a identidat de Michel de Villeneuve. Ya en 1546 escribe Christianismi Restitutio (A torna d'o Cristianismo) que ninvia ta Calvín, con qui ya heba tenito relación antis en París. Iste lo leye y lo combida a leyer o suyo libro Institutio religionis Christianae (Institución d'a Relichión Cristiana), que publicoron en 1536. Servet lo leyió, fendo asabelas anotacions creticas en a marguin d'as fuellas y tornando-li atra begata a copia correchita ta Calvín, a o qui no li cuacó y li dició a Serveto que si meteba os suyos pietz en a ciudat de Chinevra no'n saldría con vida.

En un viache de Servet enta Italia, pasaba por Chinevra y i fació una chicota estata. Lo reconoixioron en a ilesia a on que predicaba Calbín, detenito y chuzgato por hereche por a suya negación d'a Trinidat y a esfensa d'o baptismo en a edat adulta. Lo condenoron a morir cremato en a foguera con o suyo libro o día 26 d'octubre de 1553.